自从我使用AUDIO RESEARCH CD8到依家，我承认我系偏爱[胆]放大的CDP。
系咪玩音响最耐，就会越爱上[胆]味？系咪同黑胶一样，越烧得劲， 越爱上黑胶？ 以我只得十一年的烧龄， 我只能估计到两个中文字 – [模拟]。
当日我拎左部EAR ACUTE CLASSIC回家后，听左几首歌，就忍唔住出左个开箱POST分享。点解我会咁开心？！ 咪就依我在这部EAR ACUTE CLASSIC搵到一份比CD8更ANALOG的听感啰。
上网睇番EAR的资料，原来2008年已经出左部叫EAR ACUTE CDP，不过就无USB输入. 一直去到2012年， 依部ACUTE CLASSIC CDP先加入USB输入功能, 其译码用上Wolfson WM8741 DAC芯片，可处理24/192档案。当然，ACUTE CLASSIC会比2008年的ACUTE CDP略贵啦。
先分享开箱相片
拎部EAR ACUTE CLASSIC出黎，手感好重，睇佢个外观， 你一定估唔到佢有8KG重。但佢既重量算系好平均，无话偏重边一边。
面板就一贯EAR的镀铬镜面厚金属板， 由左至右， 先会见到一个6.3mm Headphone插座 (不过我无耳牛，暂时试唔到个耳扩)，隔离就系一贯CD机应有既按钮，最后就系有个SOURCE按钮。见到依个SOURCE按钮， 即系话佢有几组输入啦。
中间一个大显示屏，过隔离就系一个大VOLUME制，依个VOLUME制坚到爆，我一阵再慢慢讲。
机背, 一组RCA输出，一组XLR输出, 仲有三组数码输入，分别系同轴，光纤及USB，前文提到佢可以解到24/192 FILE。
不过有样野要提一提大家，这部EAR ACUTE CLASSIC系无任何数码输出，可想而知， 设计师对佢内部的译码几有信心。
大家唔好似为外观上一贯EAR简约作风，入面应该无咩料到, 咁你地就错晒啦。你地都知EAR最出名的器材除了PHONO外， 当然系佢地既胆前后级啦. 至于胆机好不好声，完全取决于佢只牛牛同使用既[胆]。 今次依部EAR ACUTE CLASSICCDP。
入面使用了两粒ECC88胆仔
及两只２只D/A Low signal boost transforme。 输出方面，都用埋两只输出牛， 令到佢既输出高达5V。
5V输出，基本上佢可以作前级使用。所以佢个VOLUME制就系比你，可以悭番部前级。用这部ACUTE CLASSIC直推后级。
测试器材：
我为左测试依部EAR ACUTE CLASSIC，专登去VOLENT AUDIO借左部ANTIPODES EDGE返黎。另外前后级及喇叭， 都系使用番我自己套ARC REF.5se + Bryston 7bsstc + Magnepan 3.7。
线材方面，除了最新的TELLURIUM Q BLACK DIAMOND XLR作前去后级的接线外，其他都系一样。
部EAR ACUTE CLASSIC的电源线我就使用Absolue Creations Versailles PC, XLR就用番我条至爱GURU乐。
由于依部ACUTE CLASSIC喺悠扬已经煲左几个星期，今次拎到上手既ACUTE CLASSIC就唔驶再煲， 立即可以试声。
我仲好记得当日我听左两张CD, 已经忍唔住要喺HIENDY出POST分享我的喜悦。
新年个个都开箱， 我都唔执输开番部EAR ACUTE CLASSICCDP先。
如果大家仲记得我篇 ARC小说 我爱上ARC CD8就是她的音乐感与质感。我当时形容CD8就好像听紧黑胶一样咁有质感，连贯性强。
点知，六年后既今日，比我遇到依部EAR CDP，佢既质感与连贯性，完全秒杀左我部CD8。其实睇番佢入面既布局，用到四只牛牛加一对ECC88胆作放大， 已经估到佢既模拟味道极强。只是估不到我部CD8全无招架能力。
当我听番DIANNA KRALL既CD时，与我套黑胶组合比较，论质感一D都唔输蚀.。音色比我套黑胶更令人讨好更顺滑。
由于依部EAR ACUTE CLASSIC的质感极强易与连贯性极强，所以听任何类型的曲目都能够好容易令人投入歌曲意境。
好啦, 讲左佢咁多优点，咁佢有D咩缺点先？！
hmmmm…如果只系讲佢播放CD，我真系未搵到佢有D咩缺点喎。所以我试完CD后，就要试下佢的数码输入。
我用部Antipodes EDGE作Music seve，尝试了同轴及USB输入部EAR ACUTE CLASSIC，由于依部Acute Classic可以解到24/192 file，所以我就用晒D 24/192既FILE比佢试听。当中仲有D系使用EDGE经DVD ROM烧录的44.1 FILE。
唉，自从我拎左部EDGE回家后，我真系无再用佢个CD盘直播CD，因为使用IPAD控制EDGE，经EAR ACUTE CLASSIC播24/96或以上的FILE。播出黎的听感与CD真系差唔多。
当然， 播番44.1 FILE时，分析力， 质感等等音响元素, 无得同直播CD比较啦，但佢赢在方便丫嘛。唔驶行来行去。揸住部IPAD就搅掂晒。
P.S.不过有关佢既USB或同轴输入既比较，我自己都系钟意番同轴线果份连贯性，多于USB的分析力。
试完佢既数码输入部份， 最后要试就系佢个VOLUME制。我使用番对TELLURIUM Q BLACKDIAMOND XLR由EAR ACUTE CLASSIC CDP直入我对BRYSTON MONO后级。
以一部四万几蚊既CDP，其内置前级功能无可能好得过我部REF5SE。经AB比较后， 使用ACUTE CLASSIC直出后级，除了胆味能够保留外，所有HIFI元素都无法与REF5SE比美。 但有样野真系值得加分，就系佢既高输出，先唔好理D HIFI元素，纯以音压音量输出GAIN去比分的话，我会比好高分啰。
相反, 如果你套机唔系太大，谂住搵部讯源连前级，再买多对有源喇叭，简简单单听下歌仔既话，依部ACUTE 都CLASSIC可以话FIT到爆。啱晒这一类客人。
前文提及到依部ACUTE CLASSIC输出高达5V，经由佢个VOLUME去微调输出GAIN，其配搭性可唯无敌。 就算你用部无源前级，都一样够晒GAIN。
就以我部REF5SE为例，我试了十几分钟，发觉将VOLUME调到一点钟位置，就最夹到我部前级。所以话呢，依部ACUTE CLASSIC既配搭性系咪好正先？
后记:
这部EAR ACUTE CLASSIC CDP，我唔敢话佢系最好声的CDP，但系以我玩过咁多部CDP来说。ACUTE CLASSIC的模拟味， 最得我欢心。 佢最劲系唔只播CD够模拟味，连带经数码输入的所有歌曲， 都可以咁模拟。
我再三强调， 依部EAR ACUTE CLASSICCDP放大及输出部份使用一对ECC88胆仔及四只牛牛。 唔驶我讲，你地都知道佢既音乐味， 质感密度，可以强到咩地步。
作者：racewong
